APRM кәсіби мүшеліктің жаңа моделіне көшеді

Қазақстан бойынша 300-ден астам маманды біріктіретін PR және медиа мамандарының қауымдастығы (APRM) кәсіби мүшеліктің жаңа моделіне көшеді.

APRM өзінің даму кезеңінде кәсіби қауымдастықтан корпоративтік сектор, мемлекеттік және квазимемлекеттік ұйымдар, коммуникациялық агенттіктер, медиакомпаниялар мен тәуелсіз сарапшыларды біріктіретін кәсіби ұйымға айналды.

Дамудың келесі кезеңі — саланың өркендеуіне жүйелі әрі ұзақ мерзімді негізде жұмыс істейтін тұрақты кәсіби институт қалыптастыру.

1 қазаннан бастап Қауымдастықта жыл сайынғы мүшелік жарна жүйесі енгізіледі. Жаңа формат кәсіби инфрақұрылымды, білім беруді, салалық зерттеулерді, стандарттарды және халықаралық ынтымақтастықты дамыту үшін тұрақты негіз қалыптастыруға бағытталған.

Қазақстанның PR-индустриясында әлі де бірқатар жүйелі мәселелер бар: ұйымдардағы PR рөлінің әркелкі түсіндірілуі, коммуникация мамандары үлесінің жеткілікті деңгейде мойындалмауы, бірыңғай кәсіби бағдарлардың болмауы және мамандардың біліктілігіне қойылатын талаптардың әртүрлілігі.

APRM-ның жаңа моделі Қауымдастыққа жекелеген бастамалар мен жобалар аясында ғана жұмыс істемей, қызметін бір жылға алдын ала жоспарлауға, ұзақ мерзімді бағдарламаларды іске қосуға және кәсіби инфрақұрылымды жүйелі түрде дамытуға мүмкіндік беретін тұрақты дербес ресурсты қалыптастыруға бағытталған.

Мүшелік төлем жасалған күннен бастап 12 ай бойы жарамды. Төлем толық көлемде бір рет жасалады.

Мүшелік жарналардан түскен қаражат білім беру бағдарламаларына, воркшоп пен интенсивтер өткізуге, цифрлық сервистер мен PR-мамандарының тізілімін дамытуға, зерттеулер мен салалық аналитика жүргізуге, кәсіби құжаттар мен стандарттарды әзірлеуге, бейінді комитеттердің жұмысын қамтамасыз етуге, сондай-ақ халықаралық ынтымақтастықты дамытуға бағытталады.

Жаңа модель Қауымдастыққа жай мүше болумен ғана шектелмей, APRM-ның кәсіби экожүйесіне қол жеткізуді көздейді.

Қауымдастық мүшелері кәсіби сертификаттаудан және PR-мамандарының ашық тізілімінде верификациядан өтуге, кәсіби тәжірибесі мен құзыреттерін растауға, бейінді комитеттердің жұмысына, зерттеулерге және кәсіби стандарттарды әзірлеуге қатысуға мүмкіндік алады.

Білім беру бағыты тәжірибелік воркшоптар мен шеберлік сабақтарын, өңірлік интенсивтерді, нақты PR және дағдарысқа қарсы коммуникация кейстерін талдауды, сарапшылармен кездесулерді және үздік тәжірибелермен алмасуды қамтиды.

Жеке бағыттардың бірі — кәсіби нетворкингті дамыту. APRM мүшелері жабық кездесулер мен пікірталастарға, APRM Summer Camp және өңірлік іс-шараларға қатысып, тәжірибе алмасуға және жаңа кәсіби байланыстар орнатуға мүмкіндік алады.

Мүшелік сонымен қатар салалық және ведомстволық марапаттарға, соның ішінде «Ақпарат саласының үздігі» төсбелгісіне ұсынылуға мүмкіндік береді.

APRM-ның негізгі міндеттерінің бірі — мамандардың өзін кәсіби ортаны қалыптастыру үдерісіне тарту.

Қауымдастық мүшелері бес бейінді комитеттің жұмысына қатысып, кәсіби стандарттар мен этикалық қағидаттарды әзірлеуге атсалыса алады, өз салалық жобаларына бастамашылық жасап, нарықтық зерттеулерге қатысып, мамандықты дамытудың өзекті мәселелері бойынша шешімдер ұсына алады.

Осылайша, мүшелік APRM мүмкіндіктеріне қол жеткізумен ғана шектелмей, кәсіби күн тәртібін қалыптастыруға қатысудың нақты тетігіне айналады.

APRM халықаралық кәсіби институттармен, соның ішінде IPRA және PRCA ұйымдарымен өзара ынтымақтастықты дамытып келеді.

Қауымдастық міндеттерінің бірі — қазақстандық мамандардың халықаралық сараптама мен жаһандық кәсіби тәжірибелерге қолжетімділігін кеңейту, халықаралық тәжірибе алмасуды дамыту және қазақстандық PR-сараптаманы елден тыс жерлерде ілгерілету.

APRM қазақстандық кәсіби қауымдастықты халықаралық коммуникациялық ортаға жүйелі түрде интеграциялауды және отандық мамандардың халықаралық алаңдардағы өкілдігін күшейтуді мақсат етеді.

Мүшелікке өту процесі бес кезеңнен тұрады: aprm.kz сайтында тіркелу, кәсіби профильді толтырып, өтінім беру, кандидатураны APRM-ның қарауы, мақұлданғаннан кейін мүшелік жарнаны төлеу және персоналды сертификат алу.

Өтінімді қарау мерзімі — 10 жұмыс күніне дейін. Өтінім беру Қауымдастыққа автоматты түрде қабылдануды білдірмейді: мүшелік жарнаны төлеу мүмкіндігі кандидатура мақұлданғаннан кейін ғана ашылады.

Төлем сәтті жасалғаннан кейін мүшелік автоматты түрде 12 айға жалғасады, ал Жеке кабинетте APRM мүшесінің персоналды сертификаты пайда болады. Оның түпнұсқалығын тексеру мүмкіндігі бар.

Жаңа мүшелік жүйесіне көшуге және тіркелу формаларының жаңартылуына байланысты APRM-ның барлық қазіргі мүшелері форманы қайта толтырып, өздерінің кәсіби деректерін жаңартуы қажет.

31 қазанға дейін бұрын тіркелген қатысушылардың профильдері сайтта сақталады. Жаңартылған ақпарат ұсынылғаннан кейін өтінім стандартты қарау рәсімінен өтеді.

Бүгінде APRM Қазақстан бойынша 300-ден астам кәсіби маманды біріктіреді. Мүшелік модельге көшу Қауымдастықтың институционалдық дамуының келесі кезеңіне айналмақ — ортақ кәсіби мүдделер біріктірген қауымдастықтан мамандықтың дамуына жүйелі түрде инвестиция сала алатын тұрақты ұйымға дейінгі қадам.

APRM мүшелігі — бұл бір мезетте өзіңіздің кәсіби дамуыңызға және қазақстандық PR дамып келе жатқан кәсіби ортаға салынған инвестиция.

Тіркелу және техникалық қолдау мәселелері бойынша: