APRM дамуының жаңа кезеңі: басқару органдарының ротациясы

PR және медиа саласының кәсіби мамандары қауымдастығы (APRM) өзінің ұйымдық дамуының жаңа кезеңін – басқару органдарының ротация жүйесін енгізуді бастайтынын хабарлайды.

Қауымдастық өз қызметінің алғашқы жылында айтарлықтай жұмыс атқарды. Бүгінде APRM бүкіл ел бойынша PR, медиа және коммуникациялар саласындағы 300-ден астам маманды біріктіреді. Осы уақыт ішінде салалық комитеттер құрылып, бірқатар білім беру бастамалары жүзеге асырылды, тәжірибе алмасу және саланы дамытудың өзекті мәселелерін талқылауға арналған сараптамалық алаң қалыптасты.

Келесі қадам – басқарушылық лауазымдарды ашық ротациялау қағидатын енгізу арқылы Қауымдастықты одан әрі институционалдық тұрғыдан дамыту және кәсіби қоғамдастықты нығайту.

APRM басқару құрылымы

APRM басқару құрылымы өзара байланысты бірнеше деңгейден тұрады:

• Қауымдастық құрылтайшылары;

• Қауымдастық Кеңесі;

• Қауымдастық комитеттерінің төрағалары.

Жаңа модель аясында басқарушылық лауазымдарды кезең-кезеңімен ротациялау көзделеді. Бірінші кезеңде ротацияланатын лауазымдар бойынша өкілеттік мерзімі бір жылды құрайды.

Бұл тәсіл Қауымдастық қызметіндегі сабақтастықты қамтамасыз етуге, жаңа идеялар мен кәсіби сараптаманы тартуға, сондай-ақ APRM мүшелерінің көпшілігіне ұйымды басқаруға және оның дамуына қатысуға мүмкіндік беруге жағдай жасайды.

Қауымдастық құрылтайшылары

Қауымдастық құрылтайшылары – APRM-ді құруға және дамытуға, сондай-ақ кәсіби қоғамдастықты қалыптастыруға елеулі үлес қосқан PR, медиа және коммуникациялар саласындағы жетекші мамандар. Құрылтайшылар Қауымдастықтың миссиясы, құндылықтары мен ұзақ мерзімді даму көзқарасының сабақтастығын қамтамасыз етіп, ұйымның стратегиялық бастамаларын қолдайды.

Қауымдастық құрылтайшыларының құрамы тұрақты болып бекітілмейді және ішінара ротация қағидаты негізінде мерзімді түрде жаңартылып отырады. Ротация жыл сайын жүргізіледі және бір мезгілде екі құрылтайшыдан артық адамды қамтымайды. Құрылтайшының өкілеттік мерзімі кемінде бір жылды құрайды. Құрылтайшының бастамасымен және қалған құрылтайшылардың басым дауысымен бұл мерзім екі немесе үш жылға дейін ұзартылуы мүмкін.

Құрылтайшылардың негізгі функциялары

Қауымдастықтың миссиясы мен құндылықтарын сақтау

• APRM мақсаттарының, қағидаттары мен құндылықтарының сабақтастығын қамтамасыз етеді;

• Қауымдастықтың миссиясын, құндылықтары мен іскерлік беделін сақтауды қамтамасыз етеді;

• ұйымның ұзақ мерзімді даму бағытын қалыптастыруға қатысады.

Стратегиялық даму

• Қауымдастық дамуының ұзақ мерзімді басымдықтарын айқындайды;

• APRM-нің ұзақ мерзімді даму стратегиясын бекітеді;

• Қауымдастық төрағасын бір жыл мерзімге сайлайды және оның өкілеттігін мерзімінен бұрын тоқтату туралы шешім қабылдайды;

• APRM қызметін жетілдіру және жаңа бастамаларды іске асыру жөнінде ұсыныстар енгізеді;

• Қауымдастықтың дамуы үшін стратегиялық маңызы бар мәселелер бойынша шешімдер қабылдайды.

Сараптамалық және консультативтік қызмет

• PR, медиа және коммуникациялар саласының даму мәселелері бойынша сарапшы ретінде әрекет етеді;

• Қауымдастық Кеңесі мен атқарушы органдарға стратегиялық мәселелер бойынша консультациялық қолдау көрсетеді;

• кәсіби стандарттар мен озық тәжірибелерді дамытуға ықпал етеді.

Қауымдастықтың өкілдігі

• APRM атынан кәсіби, қоғамдық және халықаралық алаңдарда өкілдік етеді;

• мемлекеттік органдармен, бизнеспен, білім беру ұйымдарымен және халықаралық ұйымдармен ынтымақтастықты дамытуға ықпал етеді;

• кәсіби қоғамдастықтағы Қауымдастықтың беделін нығайтады.

Қауымдастық мүшелерінің дамуын қолдау

• тәлімгерлікті және кәсіби тәжірибе алмасуды дамытуға ықпал етеді;

• Қауымдастықтың білім беру және қоғамдық бастамаларын қолдайды;

• жаңа көшбасшыларды APRM қызметіне тартуға ықпал етеді.

Ұйымның ұйымдастырушылық және ресурстық тұрақтылығы

• APRM қызметінің тұрақты қаржылық моделін қалыптастыруға ықпал етеді;

• Қауымдастық жобалары мен бастамаларын іске асыру үшін серіктестерді, демеушілерді және өзге де ресурстарды тартуды қолдайды;

• Қауымдастық ресурстарын пайдаланудың негізгі бағыттарын бекітеді;

• іс-шараларды, білім беру бағдарламаларын ұйымдастыруды, цифрлық платформаларды дамытуды, міндетті әкімшілік және заң рәсімдерін орындауды қоса алғанда, APRM қызметін қамтамасыз етуге ықпал етеді;

• Қауымдастықтың негізгі ұйымдастырушылық міндеттемелерінің орындалуын бақылайды;

• Қауымдастықтың ұзақ мерзімді тұрақтылығын және оның үздіксіз дамуы үшін қажетті жағдайларды қамтамасыз етуге қолдау көрсетеді.

Қауымдастық Кеңесі

Кеңес – Қауымдастықтың стратегиялық бағыты мен даму бағыттарын айқындайтын, сондай-ақ Қауымдастық мүшелері мен оның басшылығы арасындағы коммуникацияны қамтамасыз ететін консультативтік-кеңесші орган. Кеңес өз мүшелерінің тәжірибесін, беделі мен әлеуетін біріктіре отырып, қоғамдастықтың стратегиялық, этикалық және тұрақты дамуын қамтамасыз етуге, саланың беделін нығайтуға және ортақ мүдделерді ілгерілетуге бағытталған.

Қауымдастық Кеңесі 7 мүшеден тұрады: оның 2 мүшесі – Қауымдастық құрылтайшылары арасынан, 5 мүшесі – Қауымдастық мүшелерінің Жалпы жиналысы арқылы 1 жыл мерзімге сайланады.

Өкілеттік мерзімі – 1 жыл. Бұл ретте Кеңес мүшесі, сондай-ақ комитет төрағасы Қауымдастық Кеңесінің құрамына қайта сайлануға құқылы.

Стратегиялық даму

Кеңес Қауымдастық жұмысының негізгі бағыттарын айқындайды:

• APRM стратегиясы мен жылдық күн тәртібін қалыптастырады;

• негізгі бастамалар мен серіктестік жобаларды қарайды және бекітеді;

• жаңа комитеттер мен жұмыс топтарын құру жөнінде ұсыныстар енгізеді;

• Қауымдастықты ұлттық және халықаралық деңгейлерде позициялау тәсілдерін келіседі.

Кәсіби стандарттар және этика

Кеңес кәсіби нормалар мен құндылықтарды дамытуға жетекшілік етеді:

• Қауымдастық мүшелерінің Әдеп кодексін жаңартып, оның сақталуын қамтамасыз етеді;

• кәсіби стандарттар мен әдістемелік құжаттарды әзірлеуге бастамашылық етеді;

• этика мәселелері бойынша өтініштерді қарайды және Төрағаға ұсынымдар береді.

Білім беру және мамандарды дамыту

Кеңес саланың зияткерлік және білім беру әлеуетін қалыптастыруға жауап береді:

• біліктілікті арттыру бағдарламалары, оқыту курстары және білім беру бағдарламаларын әзірлеуге қатысады;

• тәлімгерлік және тәжірибе алмасу бастамаларын қолдайды;

• халықаралық білім беру серіктестіктері мен кәсіби алмасуларды дамытуға ықпал етеді.

Сыртқы ортамен өзара іс-қимыл

Кеңес Қауымдастықтың қоғамдық бейнесі мен сараптамалық ықпалын қалыптастырады:

• APRM-нің жария ұстанымдарын әзірлейді және келіседі;

• мемлекеттік органдармен, бизнеспен, медиамен және ҮЕҰ-мен өзара іс-қимыл барысында Қауымдастықтың мүддесін білдіреді;

• Қауымдастық өкілдерін сараптамалық және консультативтік кеңестердің құрамына ұсынады.

Сараптамалық және төрелік функция

Кеңес әділдік пен кәсіби әдептің сақталуына кепілдік береді:

• Қауымдастық мүшелері арасындағы ішкі даулар мен жанжалдарды қарайды;

• медиация және кейстерге этикалық баға беру мәселелері бойынша ұсынымдар береді;

• беделдік және серіктестік тәуекелдерді бағалайды.

Қауымдастық комитеттерінің төрағалары

Төрағаның рөлі: команданың жұмысын ұйымдастыру, міндеттерді үйлестіру және комитет атынан Қауымдастық ішінде өкілдік ету.

Өкілеттік мерзімі – 1 жыл. Комитет төрағасы жаңа мерзімге қайта сайлануға құқылы, алайда қатарынан үш реттен артық қайта сайлана алмайды.

Негізгі функциялары:

• комитеттің жылдық жұмыс жоспарын қалыптастырады;

• комитет отырыстарын, кездесулерін және мүшелерінің қызметін ұйымдастырады;

• міндеттерді бөледі және команданың жұмысын үйлестіреді;

• комитеттің бейініне сәйкес жобаларды, іс-шаралар мен зерттеулерді іске асыруға бастамашылық етеді және олардың жүзеге асырылуын сүйемелдейді;

• Қауымдастық Төрағасымен және Кеңесімен өзара іс-қимыл жасайды және комитет қызметі туралы оларды тұрақты түрде хабардар етеді;

• Қауымдастықтың ішкі және сыртқы іс-шараларында комитет атынан өкілдік етеді;

• комитет жұмысына жаңа қатысушыларды тартуға және сараптамалық қоғамдастықты дамытуға ықпал етеді;

• бейінді мәселелер бойынша сыртқы сарапшылармен, ұйымдармен және серіктестермен ынтымақтастық орнатуға бастамашылық етеді;

• APRM стратегиясына сәйкес комитет мақсаттарының орындалуын және міндеттерінің жүзеге асырылуын қамтамасыз етеді.

Комитет қызметінің сабақтастығын қамтамасыз ету

• жаңа төрағаға комитеттің одан әрі дамуына қатысты материалдарды, құжаттарды, жинақталған тәжірибені және ұсынымдарды қалыптастырып, тапсырады;

• жинақталған тәжірибенің сақталуын және бағыттың тұрақты дамуын қамтамасыз етеді.

Ротация – кәсіби қоғамдастықты дамытудың құралы

Жаңа модель аясында басқарушылық лауазымдарды кезең-кезеңімен ротациялау көзделеді. Бірінші кезеңде ротацияланатын лауазымдар бойынша өкілеттік мерзімі бір жылды құрайды.

Бұл тәсіл бір мезгілде Қауымдастық қызметіндегі сабақтастықты қамтамасыз етуге және жаңа идеяларды, сараптаманы және кәсіби құзыреттерді тұрақты түрде тартуға мүмкіндік береді.

Ротация тек басқару құрылымын жаңартуға ғана емес, сонымен қатар кәсіби өсу үшін ашық мүмкіндіктер қалыптастыруға бағытталған. APRM қызметіне белсендірек қатысуға мүдделі әрбір мүше өзін басқарушылық рөлде сынап көруге, өз бастамаларын жүзеге асыруға және Қазақстандағы PR мен коммуникациялар саласының дамуына үлес қосуға мүмкіндік алады.

Бұл ретте басшылардың ауысуы жинақталған тәжірибенің жоғалуын білдірмейді. Өкілеттіктерді, құжаттарды, жобалар мен жұмыс нәтижелерін командалар арасында беру институционалдық жадты сақтауға және Қауымдастық қызметінің үздіксіздігін қамтамасыз етуге мүмкіндік береді.

APRM басқару органдарын сайлау және қайта сайлау тәртібі

APRM басқару органдары Қауымдастық мүшелерінің ашықтық, кәсібилік, сабақтастық және сенім қағидаттары негізінде қалыптастырылады.

Сайлау тиісті органның өкілеттік мерзімі аяқталғаннан кейін жыл сайын немесе Қауымдастықтың ішкі құжаттарында көзделген жағдайларда мерзімінен бұрын өткізіледі.

Кандидаттар APRM миссиясы мен құндылықтарын қолдауы және Қауымдастықты дамытуға белсенді қатысуға дайын болуы тиіс.

Құрылтайшылар

Құрылтайшылардың құрамы ротациялау арқылы жаңартылады.

Жаңа құрылтайшы қолданыстағы құрылтайшылардың көпшілік дауысының шешімі бойынша құрамға енгізілуі мүмкін.

Шешім қабылдау кезінде мынадай өлшемдер ескеріледі:

- кандидаттың APRM-ді дамытуға қосқан үлесі;

- кәсіби беделі;

- PR, медиа және коммуникациялар саласындағы тәжірибесі;

- Қауымдастықтың стратегиялық дамуына қатысуға дайындығы.

Ротация Қауымдастықтың функционалдық міндеттерінде бекітілген қағидаттарға сәйкес жүзеге асырылады.

Қауымдастық Төрағасы

Төраға құрылтайшылар арасынан құрылтайшылардың шешімімен бір жыл мерзімге сайланады.

Егер кандидат үшін құрылтайшылардың көпшілігі дауыс берсе, ол сайланған болып есептеледі.

Өкілеттік мерзімі аяқталғаннан кейін Төраға қайта сайланаалады.

Қауымдастық Кеңесі

Кеңестің бес мүшесі Қауымдастық мүшелерінің Жалпы жиналысы арқылы сайланады. Екі өкіл Кеңес құрамына Қауымдастық құрылтайшыларының тарапынан енгізіледі.

Бірнеше кандидат болған жағдайда ең көп дауыс жинаған кандидаттар сайланған болып есептеледі.

Кеңес мүшелері жаңа мерзімге қайта сайлана алады.

Комитет төрағалары

Комитет төрағасы тиісті комитет мүшелері тарапынан бір жылмерзімге сайланады. Әр кандидат комитетті дамыту жөніндегі қысқаша көзқарасынжәне жұмыстың негізгі бағыттарын таныстырады.

Ең көп дауыс жинаған кандидат комитет төрағасы болып сайланады.

Комитет төрағасы қатарынан үш реттен артық емес қайтасайлана алады.

Өкілеттікті мерзімінен бұрын тоқтату

Өкілеттік мынадай жағдайларда мерзімінен бұрын тоқтатылуымүмкін:

- өз еркімен өкілеттігін тоқтату;

- міндеттерін орындау мүмкіндігінің болмауы;

- тиісті тұлғаны сайлаған органның шешімі.

Өкілеттік мерзімінен бұрын тоқтатылған жағдайда жаңасайлау өткізіледі немесе жаңа басшы сайланғанға дейінміндетін уақытша атқаратын тұлға тағайындалады.

Өкілеттіктерді беру

Жаңа басшы сайланғаннан кейін Қауымдастық белгілегенмерзім ішінде өз өкілеттігін қабылдайды. Бұрынғы басшы жұмыстың үздіксіздігін қамтамасыз ету үшінқұжаттарды, ағымдағы жобаларды, серіктестердің байланысдеректерін және қажетті өзге де материалдарды жаңа басшығабереді.

Дауыс беру тәртібі

APRM басқару органдарын сайлау теңдік, ашықтық және жариялылық қағидаттары негізінде өткізіледі.

Дауыс беру құқығына Қауымдастықтың ішкі құжаттарынасәйкес тиісті басқару органын сайлауға құқығы бар тұлғаларие болады.

Дауыс беру:

- бетпе-бет форматта;

- цифрлық платформаларды пайдалана отырып, қашықтан;

- аралас форматта өткізілуі мүмкін.

Дауыс беру нысанын (ашық немесе жасырын) сайлаудыұйымдастыратын орган дауыс беру рәсімі басталғанға дейінайқындайды.

Дауыс беруге қатысушылардың көпшілік дауысын жинағанкандидат сайланған болып есептеледі.

Дауыстар тең болған жағдайда бірдей дауыс санын жинағанкандидаттар арасында қайта дауыс беру өткізіледі.

Егер қайта дауыс беру нәтижесінде де жеңімпаз анықталмаса, тиісті лауазымға сайлауды жүзеге асыратын орган түпкіліктішешім қабылдайды.

Дауыс беру нәтижелері белгіленген мерзім ішіндеҚауымдастық мүшелерінің назарына жеткізіледі.

Кандидаттарды ұсыну

Кандидат:

- өзін-өзі ұсыну арқылы;

- Қауымдастық мүшелерінің ұсынысы бойынша;

- қолданыстағы басқару органының ұсынымы бойынша ұсынылуы мүмкін.

Кандидат өзін ұсыну кезінде сайлауға қатысуға келісімінрастайды және қажет болған жағдайда Қауымдастық қызметінің тиісті бағытын дамыту жөніндегі қысқаша көзқарасын ұсынады.

Қалай қатысуға болады

Өтінім беру үшін анкетаны толтырыңыз: https://forms.gle/34Uw4wTkbGtyyk9i9

Ротацияға қатысуға өтінімдер қабылдау 2026 жылдың 24 қыркүйегіне дейін ашық.

Қосымша сұрақтар бойынша келесі телефон нөмірі арқылы хабарласуға болады: +7 771 286 40 75.

APRM кәсіби қоғамдастықтың белсенді мүшелерін Қауымдастықтың болашағын қалыптастыруға атсалысуға, оны басқаруға қатысуға және Қазақстандағы PR мамандығы мен коммуникациялар саласын дамыту және институционалдық тұрғыдан нығайту бағытындағы жұмысты бірлесіп жалғастыруға шақырады.